Transcription
1
Reçue à Grenoble, le 13 mars 1573.
2
Monseigneur, je receuz avanthyer matin la lettre qu’il
3
vous a pleu escripre du IIIIe du present, ensemble celle
4
pour le seigneur ^ [^ Carlo] que je luy ay faict tenir par home exprès
5
avec la copie y incluse et est à presumer
6
quelque chose du contenu en icelle car ceulx
7
de Pragella comme j’ey eu advis depuys quatre
8
ou cinq jours, ont faict assamblee d’aulcuns des
9
chefz avec leurs ministres se rejouyssantz
10
de quelques nouvelles qu’ilz avoyent receus
11
et entre autres choses font bruict d’ung grand
12
nombre d’Allemains tant que jamais ne seront
13
autres que de leur coustume, de sorte que si vous
14
le treuvés bon, je iroys voluntiers à quelque heure
15
adsister à quelqu’un de leurs presches et mesmes
16
à la Sène qu’ilz feront ses festes, et avec
17
correction leur est mal employé de les
18
supporter, car tant plus de faveur on leur
19
faict tant moingz prenent devotion de se
20
renger à la volunté de sa magesté
21
et comme p-lus on les laissera en liberté,
22
plus seront obstinez. Vous suppliant monseigneur
23
sur tout qu’il vous plaise tant que le temps
24
[255v°] sera en trouble m’ordonner une creue, car
25
quinze soldatz payez à cent soulz ne peuvent
26
pas estre completz comme trop mieulx scavez pource que
27
le moindre est à sept francz, et d’autres d’avantaige,
28
ce qu’il vous plaira considerer veu que en temps
29
de paix nous ny povons vivre et en temps de
30
guerre pour fere notre debvoir y fault tout
31
despendre de quoy ne me soulcie pourveu que
32
le service du roy et le vostre se facent
33
à votre volunté, vous priant bien fort
34
nous voulloir ordonner quelque mention
35
de boys car celluy qui y estoit les soldatz
36
s’en sont serviz cest yver pour le corps de garde
37
et en aurons bien faulte. Aussi seroit
38
fort necessaire de remonter notre artillerie
39
car tout est en pieces et le voys y est prest
40
en plus grand partie. Pareillement la porte
41
de donjon est tout pourrie, et seroit
42
bien requis de changer le molin qui occuppe
43
la tour plus ncessaire à la deffence du donjon
44
et du segond cloz, surquoy nous en remectons
45
et recomandns du tout à votre bon plaisir
46
[256] et s’il vous plaist d’escripre à la court pour
47
nos six moys de l’annee passee vous demeurerons
48
tousiours plus obligez à vous fere très humble service
49
et sera d’aussi bon cueur que je pris le Createur
50
Monseigneur vous donner en bonne santé très longue
51
et très heureuse vie d’Exilles ce VIIIe mars 1573
52
Monseigneur, je feuz dernierement à Saluces pour le prieuré
53
de Mentolles et avoys eu bone responce
54
mais despuys on leur a dit qu’il valoit plus
55
qu’il ne faict et qu’il y a tant de bled
56
d’avoyne et de foing qu’ilz me vouldroyent
57
feit croyre à l’italienne que le ratelier
58
est trop hault pour mes chevaulx touteffoys
59
je y prethendz bon droict pource que luy impetre
60
de jour du decès dudit feu monsieur le prieur
61
de monsieur le legat Ursin estant lors à Thurin
62
et aussi par ung autre à Rome et en disputerons
63
en justice veu que le prevost n’est encores en vraye
64
possession et ne peult constituer vicaire fermement.
65
L’on a mené prisoniere madame la comtesse
66
d’Entremont à Villefranche parce que son altesse est
67
à Nice.
68
Votre très humble et très obeyssant
69
serviteur
70
La Casette